Uppgröftur hófst í Skálholti þann 17. maí síðastliðinn og mun standa fram í júlíbyrjun.  Uppgraftarsvæðið hefur verið stækkað talsvert til suðurs og er þegar farið að sjá í yfirborð nokkurra bygginga sem líkast til eru allar frá 18. öld.  Ef marka má uppdrátt sem gerður var af staðnum árið 1784 má þar m.a. vænta kjötskemmu og vistarvera.  Einnig er haldið áfram að grafa í gríðarstóran öskuhaug suður af húsunum.  Grafið verður fram í júlíbyrjun og má búast við að mikið finnist af gripum líkt og undanfarin ár.

 

Hér að neðan sést uppdráttur af rannsóknarsvæðinu eins og það leit út við lok uppgraftar 2004.  Hægt er að smella á hann til að sjá stærri útgáfu.