Skálholt 2002 - 2007

Uppgröfturinn er styrktur af Kristnihátíðarsjóði, sem stofnaður var af Alþingi árið 2001. Verkefnið er samstarfsverkefni Fornleifastofnunar Íslands, Skálholtsstaðar og Þjóðminjasafns Íslands.

Meginmarkmið verkefnisins er heildarrannsókn á minjum frá 17. og 18. öld, kjarna staðarhúsa eins og þau voru áður en biskupsstóllinn var fluttur úr Skálholti og meðan menningarleg áhrif staðarins í landinu voru enn í hámarki (um 1630-1785).

Mikilvæg viðfangsefni í rannsókninni eru neyslumynstur og forstig þéttbýlismyndunar á Íslandi.

Stjórnendur verkefnisins eru Gavin Lucas og Mjöll Snæsdóttir.