Aðalstræti:  elsta gata Reykjavíkur

Veturinn 2001 voru grafnar upp leifar skála frá víkingaöld við Aðalstræti í Reykjavík.  Uppgröfturinn var gerður vegna fyrirhugaðra framkvæmda.  Árbæjarsafn hafði umsjón með framkvæmd verksins fyrir hönd borgarinnar en Fornleifastofnun Íslands sá um rannsóknina.

Hér til hliðar má fræðast um ýmsa þætti rannsóknarinnar auk þess sem nálgast má upplýsingar um sögu byggðar á svæðinu og eldri uppgrefti.  Um þessar mundir vinna danskir sérfræðingar að því að þróa aðferðir til að unnt sé að varðveita skálann til frambúðar, enda stendur til að hann verði miðdepillinn í sýningarskála hótelsins sem nú hefur risið ofan á rústunum.

 Uppdráttur af skálanum í Aðalstræti.  Dökku fletirnir tákna stoðarholur og aðra niðurgrefti en í miðjunni sést langeldur.