Mikill hluti af starfsemi Fornleifastofnunar Íslands felst í fornleifaskráningu.

Fornleifaskráning er skipuleg kortlagning allra fornleifa, þ.e. mannvistarleifa sem eru eldri en 100 ára og teljast því friðhelgar skv. þjóðminjalögum. Frá árinu 1993 hefur Fornleifastofnun Íslands unnið að fornleifaskráningu víða um land og unnið jafnt og þétt að því að bæta skráningarkerfið, geymslu og miðlun gagnanna. Fornleifaskráningu er skipt í svæðis-, aðal- og deiliskráningu.

Gagnagrunnur Fornleifastofnunar nefnist ÍSLEIF.  Í árslok 2009 voru í henni um 91 þúsund fornleifastaðir, en þar af höfðu tæplega 30 þúsund verið skráðir á vettvangi. Svæðisskráning hefur verið gerð í 51 sveitarfélagi af 78 og aðalskráning í 21 en hún stendur nú yfir í fimm til viðbótar. Stofnunin áætlar að rúmlega 130 þúsund fornleifastaðir séu á landinu öllu.

Staða fornleifaskráningar í árslok 2009

Kortið sýnir núverandi sveitarfélagamörk en einnig afréttamörk og mörk eldri sveitarfélaga þar sem þau skilgreina skráningarsvæði.