Mannabeinarannsóknir
Hildur Gestsdóttir

Jón Steffensen, prófessor í líffæra- og lífeðlisfræði við Háskóla Íslands, var fyrsti Íslendingurinn sem vann rannsóknir á fornum mannabeinum að staðaldri, og má segja að upphaf mannabeinarannsókna megi rekja til þátttöku hans í fornleifauppgreftrinum á Skeljastöðum í Þjórsárdal árið 1939 þar sem meðal annars var grafinn upp kirkjugarður frá miðöldum. Þó voru menn farnir að sýna fornum mannabeinum áhuga mun fyrr, og fyrstu beinagrindurnar skráðar inn í mannabeinasafn Þjóðminjasafns Íslands eru úr kumlateignum á Hafurbjarnarstöðum í Miðneshreppi sem Ólafur Sveinsson bóndi afhenti Forngripasafni Íslands árið 1868. Síðasta áratug hafa mannabeinarannsóknr aukist mikið, bæði hvað varðar uppgrefti á fornum beinagrindum, og rannsóknir, bæði stórsæjar og smásæjar á bæði þeim beinum, svo og eldri beinagrindum sem varðveittar eru í söfnum víðsvegar um land.

Heimildir
Hildur Gestsdóttir. 2004. Mannabein í þúsund ár. Vitnisburður um lífskjör og lifnaðarhætti. í Árni Björnsson & Hrefna Róbertsdóttir (ritstj.) Hlutavelta tímans. Menningararfur á Þjóðminjasafni. (Reykjavík: Þjóðminjasafn Íslands) bls 78-85.