Hofstaðir - Excavations of a Viking Age Feasting Hall in North-Eastern Iceland

Afrakstur og niðurstöður rannsókna Fornleifastofnunar Íslands á  víkingabyggð að Hofstöðum í Mývatnssveit hefur nú (2009) verið gefin út í veglegu riti. Hofstaðaminjar eru með þekktustu fornleifum á landinu. Á árunum 1991 - 2002 gerði alþjóðlegur hópur vísindamanna þar umfangsmiklar fornleifarannsóknir. Var verkefnið unnið með stuðningi Rannís, National  Geographic og fleiri aðila. Við lok uppgraftar tók við úrvinnsla og sérfræðirannsóknir sem stóðu yfir í átta ár og er þeim nú lokið. Ritstjóri verksins er Dr. Gavin Lucas, en að bókinni koma 45 vísindamenn á mörgum sviðum fornleifafræði, fornvistfræði, jarðvegsfræði og skyldra greina. Þar er varpað nýju ljósi á forsögu Hofstaða, framvindu landnáms í lok landnámsaldar, aðlögun fólks og áhrif manns á umhverfið.
 
Verkið markar tímamót í íslenskri fornleifafræði og mun setja ný viðmið við útgáfu á niðurstöðum uppgrafta en það er um 500 blaðsíður að lengd með yfir 200 teikningum og myndum. Bókin er á ensku með liprum og greinargóðum útdrætti á íslensku.

Bókin kostar 5990 kr. og hægt er að panta hana með því að senda póst á kristborg@instarch.is. Einnig verður bókin fáanleg í Bóksölu Stúdenta, Bókabúð Máls og menningar og Eymundssyni í Austurstræti og á Akureyri.