Hildur Gestsdóttir fornmeinafræðingur lauk BA prófi (Hons.) í fornleifafræði frá háskólanum í Nottingham 1994 og MS í beinafræði og fornmeinafræði frá háskólanum í Bradford 1998. Hildur hefur tekið þátt í fornleifauppgröftum á Íslandi, Bretlandi og í Kenía. Hún hefur tekið þátt í fjölmörgum verkefnum Fornleifastofnunar, m.a. fornleifauppgröftum og
mannabeinarannsóknum. Hún stjórnar uppgrefti kirkjugarðsins á Hofstöðum í Mývatnssveit. Hildur hefur unnið fyrir Bath Archaeological Trust á Englandi, Exeter Archaeology, Þjóðminjasafn Íslands og þjóðminjasafnið í Wales. Hún hefur einnig mikla reynslu af mannabeinarannsóknum, en þær hefur hún gert fyrir Fornleifastofnun frá 1997, fyrir Þjóðminjasafnið, Bath Archaeological Trust á Englandi, Exeter Archaeology (Englandi), Cornwall Archaeological Unit (Englandi) og Somerset County Council (Englandi). Helsta áhugasvið Hildar eru fornmeinarannsóknir.