Hið þingeyska fornleifafélag og Fornleifastofnun Íslands standa að gönguferðadagskrá um minjasvæði í Suður-Þingeyjarsýslu. Heimsóttir verða staðir þar sem rannsóknir eru í gangi og fornleifafræðingar taka á móti gestum.

 

Kl. 20.30 (1-1,5 klst.). Mæting við afleggjara að Kvígindisdal, rétt ofan Einarsstaðaskála og Jaðars. U.þ.b. 15 mínútna ganga er frá afleggjara að Láfsgerði. Síðastliðið ár hófst fornminjaskráning á Seljadal og ráðgert er að ljúka henni í sumar. Markmið skráningarinnar er að leggja drög að minjakorti af dalnum sem nýta mætti til almennrar útivistar. Í þessari ferð gefst göngumönnum tækifæri til að kynnast vinnubrögðum við fornleifaskráningu og fræðast um byggð á Seljadal og sérstaklega í Láfsgerði. Fornleifafræðingarnir Birna Lárusdóttir og Elín Ósk Hreiðarsdóttir hjá Fornleifastofnun íslands taka á móti gestum í tóftum Láfsgerðis.

Fimmtudagur, 1. júlí - Litlu Núpar í Aðaldal

Kl. 16.30 (1,5 klst.). Mæting við afleggjarann að Litlu Núpum, rétt vestan við brúna yfir Mýrarkvísl.

Undanfarin ár hefur verið unnið að rannsóknum á minjum á Litlu Núpum. Þar fannst m.a. bátskuml og umbúnaður annarra kumla á Litlu Núpum hefur vakið upp fjölmargar spurningar. Bæjarstæðið á Litlu Núpum er afar fallegt þar sem tóftirnar kúra í litlum hvammi gegnt flugvellinum í Aðaldal, austan Laxár. Howell Magnús Roberts, fornleifafræðingur hjá Fornleifastofnun Íslands, og samstarfsfólk tekur á móti gestum.

 

Kl. 16:30 (1 klst.).

Á Skútustöðum hefur á síðustu árum verið unnið að rannsókn á umfangsmiklum öskuhaug. Þar hafa fundist vísbendingar um byggð allt frá landnámsöld og fram á okkar daga en í öskuhaugum leynast miklar vísbendingar um líf fyrr á öldum sem varpað geta ljósi á lífsviðurværi fólks og efnahag. Þóra Pétursdóttir frá Fornleifastofnun Íslands og Dr. Thomas McGovern frá Hunter College NY taka á móti gestum og gefa þeim innsýn í störf fornleifafræðinga með áherslu á beina-fornleifafræði (Zooarchaeology).

 

Fimmtudagur, 15. júlí - Hofstaðir
kl. 20.30 (1 klst.). Mæting við Hofstaðabæinn.
Rannsóknarsaga Hofstaða er orðin löng og viðburðarík og fyrr á árinu kom út afar glæsilegt rit um rannsóknir Fornleifastofnunar á staðnum. Rannsóknum á Hofstöðum er hins vegar ekki lokið og í sumar mun Hildur Gestsdóttir, fornleifafræðingur hjá Fornleifastofnun Íslands og sérfræðingur í mannabeinarannsóknum, vinna að rannsóknum á kirkjugarðinum þar. Hildur og félagar taka á móti gestum í kirkjugarðinum á Hofstöðum.

 

Kl. 13:00 (3-4 klst.). Mæting á bílaplaninu á Grenjaðarstað þar sem bílar verða samnýttir og ekið inneftir Þegjandadal að austanverðu.

Undanfarin ár hefur afar merkilegt minjasvæði á Þegjandadal verið rannsakað. Í sumar mun fara fram uppgröftur á Ingiríðarstöðum sem er innarlega í dalnum, grafið verður í gríðarstóran kumlateig auk þess sem leitað verður að öskuhaug við mögulegar skálatóftir sem fundust sumarið 2009. Howell Roberts fornleifafræðingur sem stýrir uppgreftrinum tekur á móti gestum á Ingiríðarstöðum. Góður skófatnaður er nauðsynlegur því raklent er á kafla göngunnar.

Allir eru velkomnir í gönguferðirnar, skráning er óþörf og þátttaka er ókeypis.
Frekari upplýsingar má finna vikulega á www.fornleifafelag.is, Einnig má fá nánari upplýsingar hjá Sif Jóhannesdóttur í síma 848 3586 og Unnsteini Ingasyni í síma 894 4594

 

Hið þingeyska fornleifafélag og Fornleifastofnun Íslands.